«Դա հոբելյանական միջոցառում է և ունի նաև սիմվոլիկ ու պրոտոկոլային նշանակություն, և հնարավոր է՝ Ալիևը այդ պատճառով ուշադրություն չի դարձնում այդ միջոցառմանը»,- «Առաջին լրատվական»-ի հետ զրույցում՝ գնահատելով Դուշանբեում կայանալիք ԱՊՀ հոբելյանական գագաթնաժողովին Ալիևի չմասնակցելու որոշումը, կարծիք հայտնեց քաղաքագետ, ԱՊՀ երկրների ինստիտուտի հայկական մասնաճյուղի տնօրեն Ալեքսանդր Մարկարովը:
Այդուամենայնիվ, Մարկարովը նշեց, որ թեև գագաթնաժողովն ունի արարողակարգային նշանակություն, սակայն կարևոր է այնքանով, որ այնտեղ են լինելու ԱՊՀ երկրների առաջնորդները, իսկ Ալիևի նման քայլը վերաբերմունք է ԱՊՀ-ի նկատմամբ:
Մարկարովը նկատեց, որ Ալիևի քայլը միանշանակ չի կարելի պայմանավորել միայն նրանով, որ ԼՂ հարցում փակուղային իրավիճակ է ստեղծվել. «Չեմ կարծում, որ դա միակ հարցն է, որը կարևորում է Ադրբեջանը, որպես ԱՊՀ անդամ, ավելի շուտ դա ընդհանուր վերաբերմունք է երկրի ղեկավարի կողմից՝ հենց կառույցի նկատմամբ»:
