Դեկտեմբերի 10-ին «Կանգնիր Արցախի կողքին» խորագիրը կրող դրամահավաք մեկնարկեց Լոս Անջելեսում։ Սա նախաձեռնողների խոսքով՝ Արցախի համար համազգային առանձին դրամահավաք է։ Արցախի նախագահի գլխավոր խորհրդական-հատուկ հանձնարարություններով դեսպան Ռուդիկ Հյուսնունցը, որ Բարձր տեխնոլոգիաների և ռազմավարական պլանավորման հիմնադրամի հոգաբարձուների խորհրդի նախագահն է, «Առաջին լրատվական»-ի հետ զրույցում նշել էր, որ սա ինքնանպատակ գաղափար չէ, երկար փնտրտուքի արդյունք է, սա Արցախի համար համազգային առանձին դրամահավաք է իրականացվում: 44-օրյա պատերազմի հետևանքները վերացնելուն ուղղված աշխատանքներն ակտիվացնելու համար այս ընթացքում ստացել են բազմաթիվ նամակներ, հեռախոսազանգեր սփյուռքահայ համերկրացիներից, որ ուզում են իրենց լուման ներդնել, բայց այլևս հասցեական և Արցախի հետ փոխգործակցելով։
Մեզ հետ զրույցում Ռուդիկ Հյուսնունցը հրաժարվեց հրապարակել թիվ, թե որքան գումար է հավաքվել չորս օրերի ընթացքում, ասաց, որ հեռուսատամարաթոնը շարունակվելու է մինչև դեկտեմբերի 25-ը, արդյունքները դեռ չեն հրապարակում, քանի որ դրանք այնընդհատ փոխվում են. «Մեր նպատակը գումար հավաքելը չէ»,-ասաց նա՝ հավելելով, որ դեկտեմբերի 25-ին կամփոփեն արդյունքները։ Շեշտեց, որ ամբողջ տարին հավաքվելու է գումար:
Բարձր տեխնոլոգիաների և ռազմավարական պլանավորման հիմնադրամի տնօրեն Լևոն Ղուլյանը նույնպես խուսափեց որևէ թիվ հրապարակել, ասաց՝ դեկտեմբերի 25-ին կհրապարակեն արդյունքները։