Պաշտոնական այցով Կատար մեկնած թուրքական պատվիրակության և Կատարի միջև քննարկվել է նաև Աֆղանստանի մայրաքաղաք Քաբուլի օդանավակայանի հարցը։
Այս մասին, հայտնում է թուրքական «Անադոլու» լրատվական գործակալությունը։
Քաբուլի օդանավակայանի մասին լրագրողների հարցին ի պատասխան Թուրքիայի նախագահն ասել է, որ Դոհա կատարած իր այցի օրակարգում եղել է նաև Աֆղանստանի օդանավակայանի համատեղ կառավարման թեման։
«Կատարական և թուրքական կողմերը գտել են մասնավոր ընկերություններ, որոնք կզբաղվեն այդ հարցով։ Այդ ընկերությունների ներկայացուցիչները այդ թեման կքննարկեն միմյանց, ինչպես նաև թալիբների ներկայացուցիչների հետ։ Եթե համապատասխան պայմաններ ստեղծվեն, հատկապես անվտանգության ոլորտում, մայրաքաղաք Քաբուլի օդանավակայանի հարցը կյանքի կկոչվի»,- ասել է Էրդողանը։
