«Առաջին լրատվական»-ի զրուցակիցն է ազատամարտիկ, «Տիգրան Մեծ» աշխարհազորային գնդի ռազմական խորհրդի փոխնախագահ Վլադիմիր Առաքելյանը։
-Պարոն Առաքելյան, Հայաստանում մի քանի օր է ցույցեր էին անում ազատագրական շարժման անդամները։ Նաև Արցախի ու Հայաստանի նախկին նախագահներին են միանալու կոչ արել։ Սահմանային այս իրավիճակում, ներսում ցույցեր անցկացնելն ինչքանո՞վ է նպատակահարմար։
-Որպես ազատամարտիկ նշեմ՝ սահմանային այս վիճակում, թուրքի ոտնձգությունների ֆոնին նմանատիպ շարժում ստեղծելն ու փողոց դուրս գալը՝ թրքաբարո գործողություն է։ Եվ կապ չունի, թե իշխանության ղեկին ով է նստած։ Այսօրվա ծանր պայմաններում չի կարելի երկիրն ու ազգը տանել ցնցումների։ Եթե նախագահները իրենց խելքն ունեն՝ այդ մտքից պետք է հրաժարվեն ու այս ազգին ցնցումների չտանեն։
-Իշխանությունների գործողություններից դժգոհ մարդկանց կարո՞ղ են փողոց դուրս բերել։
-Գիտեք ինչ՝ դժգոհ լինելը մի բան է, աբիժնիկ լինելը՝այլ։ Այո, կան մարդիկ, որ նեղանում են, դժգոհ են որոշ գործողություններից, իսկ աբիժնիկ մարդը միշտ էլ վտանգավոր է։ Դժգոհողներից վտանգներ սպասել պետք չէ, բայց ցավն այն է, որ աբիժնիկությունն է, որ այսօր այդ մարդկանց դրդում է դուրս գալ փողոց ու անիմաստ տեղեկություններ տարածել։ Ասում են՝ վայ, հեսա թուրքը մտավ Հայաստան, հեսա սա կլինի, նա կլինի․․․
-Ձեր դիտարկմամբ՝ իրենք իրենց սեփական քաղաքական գիծն են տանում, թե՞ուղղորդվում են այլ ուժերի կողմից, սպասարկում այլ ուժերի շահը։
–Բնականաբար իրենք համագործակցում են այլ ուժերի հետ։ Իրենց գլխի վերևում կանգնած են Ռոբերտ Քոչարյանն ու Սերժ Սարգսյանը։ Ես այս հարցում վստահ եմ։ Իրենք սնվում են մի կենտրոնից։ Եվ կապ չունի թե ինչ անուններ են դնում՝ ազգային ազատագրական շարժում, թե նոր կամ հին Հայաստան, Պատիվ չունեմ կամ մեկ այլ բան։ Նրանք բոլորը ղեկավարվում են մի կենտրոնից։
