Չինաստանը պատրաստ Է որքան կարելի Է շուտ ստորագրել Հարավ-արեւելյան Ասիայում միջուկային զենքից ազատ գոտու համաձայնագրի (Բանգկոկի համաձայնագիր) արձանագրությունը: Այդ մասին, նոյեմբերի 22-ին հայտարարել Է ՉԺՀ-ի նախագահ Սի Ծինպինը:
«Չինաստանն աջակցում Է ԱՍԵԱՆ-ի ջանքերին՝ ուղղված միջուկային զենքից ազատ գոտու ստեղծմանը, եւ պատրաստ Է որքան կարելի Է շուտ ստորագրել Հարավ-արեւելյան Ասիայում միջուկային զենքից ազատ գոտու համաձայնագրի (Բանգկոկի համաձայնագիր) արձանագրությունը»,- Սի Ծինպինը հայտարարել Է գագաթնաժողովում իր տեսաուղերձի ընթացքում, որը նվիրված Էր Չինաստանի եւ ԱՍԵԱՆ-ի միջեւ երկխոսությամբ հարաբերությունների հաստատման 30-ամյակին:
Դրա հետ մեկտեղ նա ընդգծել Է, որ Չինաստանը վճռականորեն հանդես Է գալիս հեգեմոնիզմի եւ ուժի քաղաքականության դեմ, Պեկինը երբեք հեգեմոնիայի չի ձգտի եւ պատրաստ Է երկարաժամկետ բարեկամական հարաբերություններ պահպանել հարեւան երկրների հետ՝ ընդհանուր ջանքերով տարածաշրջանի խաղաղությունն ապահովելու նպատակով:
«Մենք պետք Է լինենք տարածաշրջանային խաղաղության ստեղծողը եւ պաշտպանը, ամուր պահպանենք ոչ թե առճակատումը, այլ երկխոսությունը, գործընկերությունը, ինչպես նաեւ պայքարենք տարբեր բացասական այն գործոնների դեմ, որոնք սպառնում են վնաս հասցնել խաղաղությանը»,-նշել Է նա:
Սի Ծինպինն ընդգծել Է, որ տարածաշրջանը բախվում Է անվտանգության ոլորտում տարբեր ավանդական եւ ոչ ավանդական մարտահրավերներին, ուստի հարկ Է հանձնառու լինել անվտանգության կոլեկտիվ, համալիր եւ կայուն հայեցակարգին, ինչպես նաեւ խորացնել համագործակցությունը պաշտպանության, ահաբեկչության ու անդրազգային հանցավորության դեմ պայքարի բնագավառում, հաղորդել Է ՌԻԱ Նովոստին:
