ՀՀ առողջապահական և աշխատանքի տեսչական մարմինը կորոնավիրուսային հիվանդության (COVID-19) տարածման կանխարգելման նպատակով խստացված ստուգայցերը շարունակվում է հանրապետության ամբողջ տարածքում. նախորդ շաբաթվա ընթացքում իրականացվել է 1102 ստուգայց: Այս մասին տեղեկացնում են տեսչական մարմնի իրազեկման, խորհրդատվության և հանրության հետ տարվող աշխատանքների բաժնից:
ՀՀ առողջապահական և աշխատանքի տեսչական մարմնի մասնագետները նախորդ շաբաթվա ընթացքում իրականացրել են ընդհանուր 1102 ստուգայց, որի արդյունքում արձանագրել են 59 խախտում, կայացրել 44 տուգանքի որոշում.
Երևանի տարածքային կենտրոն՝ 920 ստուգայց, 49 խախտում, 8 տուգանք
Հարավային տարածքային կենտրոն՝ 54 ստուգայց, 6 խախտում, 9 տուգանք
Հյուսիսային տարածքային կենտրոն՝ 15 ստուգայց, 2 խախտում, 8 տուգանք
Արևմտյան տարածքային կենտրոն՝ 58 ստուգայց, 0 խախտում, 16 տուգանք
Արևելյան տարածքային կենտրոն՝ 55 ստուգայց, 2 խախտում, 3 տուգանք
Խախտում թույլ տված տնտեսավարողներին տրվել են նաև նախազգուշացումներ և հանձնարարականներ։
Նոյեմբերի 8-ին խստացված ստուգայցերը մայրաքաղաքում շարունակվել են Շենգավիթ վարչական շրջանում։