Հայաստնում 2003 թվականից թերթերի նախնական գրանցում, արտոնագրում չի արվում: Կա միայն հաշվառում՝ տպագրությունից հետո։ Թերթերը գրանցվում են արդարադատության նախարարության պետական ռեգիստրի բաժնում ու գրանցման մեջ մնում երկու տարի և պահպանում թերթի անվան իրավունքը երկու տարվա ընթացքում՝ անկախ այն բանից լույս տեսնում է, թե՝ ոչ։ Այս մասին մեզ հայտնեց արդարադատության նախարարության պետական ռեգիստրի պետ Սերգեյ Կարապետյանը։
Այժմ ՀՀ-ում լույս է տեսնում 140 թերթ և ամսագիր։ Հանրապետությունում օրաթերթերի միջին ընդհանուր տպաքանակը մոտավորապես 45-50 հազար օրինակ է, երկօրյա թերթերինը` մոտ 20-25 հազար, շաբաթաթերթերինը` 15-20 հազար: Հետաքրքիր է, որ 6 ամենաարմատական ընդդիմադիր օրաթերթերի տպաքանակը 2-3 անգամ գերազանցում է մնացած բոլոր նմանատիպ պարբերականներինը: Այս տվյալները ստացվել են «Բլից Մեդիա» ՍՊԸ-ի տնօրեն Արմեն Դավթյանի կատարած վերլուծությունների արդյունքում։
Իհարկե, այլ երկրներում մարդիկ անհամեմատ շատ են կարդում տպագիր պարբերականներ, իսկ մեզանում այս ցուցանիշն իջնում է, իսկ թերթ կարդալու ավանդույթը՝ աստիճանաբար վերանում։
