Բրիտանացի երգիչ և կոմպոզիտոր Էլթոն Ջոնի Cold Heart (Pnau Remix) երգը 2005 թվականից ի վեր առաջին անգամ առաջատար դիրք է զբաղեցրել բրիտանական չարտերում։ Այս մասին հայտնում է Official Charts Company-ն, որը կազմում և հրապարակում է Միացյալ Թագավորության երաժշտական հիթ-շքերթները։
Ստեղծագործությունը ձայնագրվել է բրիատանացի երգչուհի Դուա Լիպայի հետ։ Հիթի թողարկումն ավստրալական երաժշտական Pnau խմբի էլեկտրոնային երաժշտության մասնագետների մշակմամբ թողարկվել է օգոստոսի 13-ին։
Երգն առաջին սինգլն է Էլթոնի ստուդիական 33-րդ՝ Lockdown Sessions ալբոմից, որի թողարկումը տեղի կունենա հոկտեմբերի 22-ին։ Դուա Լիպայից բացի, ալբոմում ներգրավված են Նիկի Մինաժը, Ստիվի Ուանդերը և Ստիվի Նիքսը։
Այս շաբաթ ավելի վաղ Էլթոն Ջոնը դարձել էր առաջին երաժիշտը, ում ստեղծագործությունները 6 տասնամյակ հայտնվել են բրիտանական երաժշտական չարտերի թոփ-10-ում։ Այդպիսով՝ նա առաջ է անցել Էլվիս Փրեսլիից, Շերից, Քլիֆ Ռիչարդից, Մայքլ Ջեքսոնից և Դևիդ Բոուիից, որոնց ստեղծագործությունները թոփ-10-երում են հայտնվել 5 տասնամյակ։
