Աֆղանցիներն ամեն օր հերթ են կանգնում Քաբուլում Իրանի դեսպանատան դիմաց ՝ Իսլամական հանրապետությունով տարանցիկ վիզա ձեռք բերելու համար։ Հաղորդում է ՏԱՍՍ-ը:
«Թալիբան»-ի կողմից Աֆղանստանում իշխանության զավթումից հետո դիվանագիտական առաքելությունն ամեն օր հարյուրավոր դիմումներ է ստանում աֆղանցիներից, ովքեր ունեն այլ երկրների կացության թույլտվություն կամ վիզա: Սակայն այժմ, ինչպես նշվում է դեսպանատանը, «կայքում փաստաթղթերի ներկայացումը ժամանակավորապես կասեցվել է մեծ ներհոսքի պատճառով, որին համակարգը չի դիմանում»: «Մենք ցանկանում ենք վիզա ստանալ և կսպասենք ու հերթ կպահենք այնքան ժամանակ, որքան անհրաժեշտ է»,- ասել է դիմումատուներից մեկը:
Այս պահին Իրան հասնելու երկու եղանակ կա՝ չարտերային թռիչքով, որը կարող է արժենալ 250-320 դոլար, կամ ավտոբուսով, որն ավելի էժան է ՝ 60-80 դոլար: Ավտոմեքենաների որոշ սեփականատերեր, որոնք փորձում են լրացուցիչ գումար վաստակել, փախստականներին հասցնում են Հերաթ նահանգի Իսլամ-Քալա սահմանակետ, որտեղից նրանք ստիպված են սահմանը հատել ոտքով:
