Օգոստոսի 20-ին Աֆղանստանից դուրս եկած Վրաստանի 16 քաղաքացի վերադարձել է հայրենիք: Նրանց ինքնաթիռը լուսադեմին վայրէջք է կատարել Թբիլիսիի միջազգային օդանավակայանում։ Այս մասին հայտնում են վրացական ԶԼՄ-ները։
Վրաստանի 16 քաղաքացիներ գտնվում էին բրիտանական ռազմաբազայում՝ Քաբուլից տարհանվելուց հետո:
Ըստ արտաքին գործերի փոխնախարար Ալեքսանդր Խվթիսիաշվիլիի՝ Վրաստանի քաղաքացիների անվտանգ վերադարձը հայրենիք հնարավոր է դարձել գործընկեր երկրների օգնությամբ:
Վրաստանի վեց քաղաքացիներ Հունգարիայից հունգարական ինքնաթիռով վերադարձել են հայրենիք օգոստոսի 18 -ին, ևս երկու քաղաքացի երեկ առավոտյան վերադարձել է հայրենիք:
Վրաստանի ԱԳՆ պաշտոնական տվյալների համաձայն ՝ այս պահին Աֆղանստանում Վրաստանի ոչ մի քաղաքացի չկա:
