Չարենցավանի թիվ 3 դպրոցում արդեն 3 տարի է գործում է ամերիկյան գրադարանը, որտեղ ընդգրկված են ինչպես ուսուցողական, գեղարվեստական այնպես էլ պատմական ավելի քան 300 անուն գրքեր: Ամերիկյան անկյունի բացումը պատահական չէ. դեռ 3 տարի առաջ ամերիկաբնակ, ծնունդով Չարենցավանից Համլետ Խալաֆյանը հայրենի քաղաքում անգլերենի մրցույթ անցկացրեց, մրցույթը հաղթած աշակերտի դպրոցում էլ ստեղծվեց այս գրադարանը:
Գաղափարի հեղինակը Նորայր Խալաֆյանն է, ով հերթական անգամ հայրենիքից վերադառնալու ճանապարհին առաջարկել է իր հայրիկին Չարենցավանում անգլերենի իմացության մրցույթ անցկացնել, իսկ հաղթող մասնակցի դպրոցում հիմնել ամերիկյան անկյուն։
2018 թվականին որոշում կայացվեց մրցույթն անցկացնել 2 տարին մեկ անգամ, սակայն համավարկով պայմանավորված այն անցկացվում է այս տարի: Մրցույթին մասնակցում են Չարենցավանի 6 դպրոցներից մեկական աշակերտ: Մրցանակաբաշխությանը ներկա էր նաև ՀՀ-ում ԱՄՆ դեսպանի օգնականը:
Այս տարի մրցույթում հաղթող ճանաչվեց Չարենցավանի թիվ 2 դպրոցի սաներից մեկը, որիդպրոցում էլ բացվեց գրադարանը, ինչպես նաև փոխանցվեց ամերիկացի կոնգրեսական Ադամ Շիֆի կողմից ուղարկված դրոշը, որն արդեն դարձել է հայ-ամերիկյան բարեկամության խորհրդանիշ:
