Չինացի գիտնականները պարզել են, որ կորոնավիրուսի ծագումը կարող է լինել միայն բնական, վիրուսը չէր կարող արհեստականորեն հայտնվել լաբորատորիայում, ասված է Science China Life Sciences գիտական հանդեսում հրապարակված հոդվածում:
Ավելի վաղ, Առողջապահության համաշխարհային կազմակերպության ղեկավար Թեդրոս Ադհանոմ Գեբրեյեսուսը չի բացառել կորոնավիրուսի արհեստական ծագման հավանականությունը:
Ավելի քան 20 չինացի գիտնականներ և բրիտանացի հետազոտող, որն աշխատում է ՉԺՀ-ում, անցկացրել են իրենց գիտական հետազոտությունները և եկել այն եզրակացության, որ կորոնավիրուսն ունի բնական ծագում: Որպես ապացույց ՝ գիտնականներն օգտագործել են էվոլյուցիայի տեսությունը և դրա հետ կապված գաղափարները։
Նրանք նշում են, որ SARS-CoV-2 վիրուսը շատ լավ է հարմարվել մարդու պոպուլյացիային 2003 թվականի SARS-CoV-ի համեմատ։
Հարմարվողականության նման մակարդակը, ամենայն հավանականությամբ, երկար ժամանակ է զարգացել, գրում են մասնագետները։
«Քանի դեռ մարդու միջամտության հետքերով շտամներ չեն հայտնաբերվել … ավելի արդյունավետ կլիներ կենտրոնանալ SARS-CoV-2-ի ծագման հետ կապված բնական գործընթացների վրա», – ընդգծվում է հրապարակման մեջ: