ԱՄՆ-ի նախագահ Ջո Բայդենը և Գերմանիայի կանցլեր Անգելա Մերկելը, ինչպես սպասվում է, հուլիսի 15-ին ավելի ուշ Սպիտակ տանը կայանալիք բանակցությունների արդյունքներով կընդունեն «Վաշինգտոնյան հռչակագիր», որտեղ կարտահայտվեն աշխարհն ազդեցության ոլորտների բաժանելուց հրաժարվելու, միջազգային կարգի կանոնների վրա հիմնված և անդրատլանտյան համագործակցության նպաստման օգտին: Հուլիսի 14-ին լրագրողների համար կայացած հատուկ հեռախոսային ճեպազրույցում՝ նվիրված Մերկելի ԱՄՆ կատարած այցին, այդ մասին հայտնել է Միացյալ Նահանգների վարչակազմի բարձրաստիճան ներկայացուցիչը, տեղեկացնում է «Արմենպրես»ը:
«Մենք սպասում ենք, որ ղեկավարները կհրապարակեն «Վաշինգտոնյան հռչակագիրը», որտեղ կարտացոլվի նրանց ընդհանուր պատկերացումը քաղաքական մարտահրավերների հակազդման համագործակցության ուղղությամբ: Այդ փաստաթուղթը, ամենայն հավանականությամբ, կշարադրի այն ընդարձակ սկզբունքներն ու արժեքները, որոնք ձևավորում են մեր հարաբերությունները»,- ասել է նա:
«Կարծում ենք, որ դրանք կլինեն հարաբերությունների ղեկավար սկզբունքներ առաջիկա ամիսների և տարիների համար, այն բանի համեմատ, թե մենք ինչպես կշարունակենք հակազդել ընդհանուր մարտահրավերներին, որոնք ծառանում են մեր հանդեպ, ժողովրդավարական սկզբունքների, արժեքների, ինստիտուտների և մարդու իրավունքների ընդհանուր հավատարմության, առանց ազդեցության ոլորների միջազգային կարգի և բաց աշխարհի կանոնների, ուժեղ և արդարացի շուկայական տնտեսության կառուցման ընդհանուր ջանքերի համատեքստում, որը զարգացնում է կայունությունը և ցուցադրում, որ ժողովրդավարական առաջատարությունը տալիս է արդյունքներ, և, անշուշտ, անդրատլանտյան համագործակցության կարևորության վրա»,- հայտարարել է ԱՄՆ-ի գործադիր իշխանության ներկայացուցիչը:
Ենթադրվում է, որ այդ գործընկերությունը կնպաստի Վաշինգտոնի և Բեռլինի փոխգործակցությանը՝ «կլիմայի փոփոխության» հարցերի լուծման, «անցումային էներգետիկական տեխնոլոգիաների, զարգացող տնտեսությունների էներգետիկական անցման օժանդակման բնագավառում» համագործակցության նպատակով, պարզաբանել է ԱՄՆ-ի վարչակազմի ներկայացուցիչը:
