Երկար տարիներ առողջապահության ոլորտի ներկայացուցիչները զգուշացնում են ծխողներին առողջության վրա ծխելու բացասական ազդեցության ու վնասակար հետևանքների մասին։ Ամեն ակնթարթ առաջ են գալիս նորարարական գաղափարներ, որոնք օգնում են մարդկությանը հեշտացնել ու ավելի անվտանգ դարձնել կյանքը։
Իսկ Դուք գիտեի՞ք․․․
Երկար ժամանակ գերիշխում էր այն կարծիքը, որ սիգարետի հիմնական վնասը բխում է նիկոտինից։ Չնայած այն հանգամանքին, որ նիկոտինը կախվածություն է առաջացնում և զերծ չէ ռիսկերից, այն չի հանդիսանում ծխելու հետ կապված հիվանդությունների առաջացման հիմնական պատճառը։ Երբ սիգարետում առկա ծխախոտն այրվում է, այրման ջերմաստիճանը հասնում է 600°C-ի։ Այրման արդյունքում արտազատվում է ծուխ, որը պարունակում է շուրջ 6 000 քիմիական նյութեր, որոնցից 100-ը ծայրահեղ վտանգավոր են։ Հենց այրման ընթացքում էլ արտադրվում է նաև խեժը։
Խեժ
Խեժը ծխախոտի ծխի մնացորդն է նիկոտինի ու ջրի հեռացումից հետո։ Այս նյութը կպչուն շագանակագույն կամ դեղին մնացորդ է հանդիսանում։ ԱՄՆ-ի Քաղցկեղի Ազգային Ինստիտուտի տեղեկությունների համաձայն՝ ծխախոտի ծխում առկա 6000 քիմիական նյութերի մեծ մասը հնարավոր է գտնել խեժի բաղադրության մեջ։ Խեժը կուտակվում է թոքերում ծխելու ընթացքում, երբ ծխողը ներքաշում է ծուխը։ Ժամանակի ընթացքում թոքերի առողջ, վարդագույն հյուսվածքները մոխրագույն են դառնում և աստիճանաբար սևանում են։ Խեժի ամենավնասակար հատկությունն այն է, որ այն կաթվածահար է անում, և կարող է սպանել շնչուղիներում առկա մանր մազմզուկները, որոնք արտագծում են շնչափողը։ Դրանք օգնում են պայքարել աղտոտումների դեմ, բայց վնասվելու դեպքում խեժում առկա թունավոր քիմիական նյութերն ավելի հեշտությամբ կարող են ներթափանցել թոքեր։ Արդյունքում՝ սա կարող է առաջացնել թոքերի խնդիրներ և այնպիսի հիվանդություններ, ինչպիսիք են էմֆիզեման, բրոնխիտն ու թոքերի քաղցկեղը։
Խեժն ազդում է ոչ միայն թոքերի վրա․ դրա բաղադրության մեջ գտնվող թունավոր քիմիական նյութերը կարող են ներթափանցել արյան շրջանառության մեջ ու հասնել մյուս օրգաններին։
Խեժի մակարդակն աճում է այրման գործտարածում է խեժի ցածր մակարդակ պարունակող սիգարետները։ Այնուամենայնիվ, այսպիսի սիգարետների դեպքում չկան առողջության համար զգալի դրական հետևանքներ։ Այս դեպքում լավագույն տարբերակն են այլընտրանքային արտադրատեսակները, որոնք այրման բացակայության շնորհիվ չեն արտազատում ծուխ և, հետևաբար, օրանիզմում չեն առաջացնում խեժի նստվածք։ Առողջ լինելու համար պետք է ընտրություն կատարել ավելի անվտանգ այլընտրանքների կամ ընդհանրապես ծխելը թողնելու միջև։
