Tuesday, 16 04 2024
Հայ զինվորները սպանվել են իսրայելական զենքով, չփորձեք Երևանը ներքաշել ձեր խաղերի մեջ. Իրանի դեսպան
ՌԴ-ն արտատարածաշրջանային ուժ չէ. Իրանի դեսպան
17:40
Իրանի նախագահը ցավոտ պատասխանով է սպառնացել երկրի շահերի դեմ ցանկացած գործողության դեպքում
Դուք կապիտուլյացիոն կոալիցիա եք. ինքներդ եք դա ընդունել. Ալեքսանյանն` ընդդիմությանը
Մեր հարևանների անվտանգությունը, մեր անվտանգությունն է. երկխոսությունն է լավագույն լուծումը
Պատերազմը շան նման է` որքան նրանից վախենում ես, այնքան նա քեզ մոտ է գալիս
Երկակի ստանդարտների քաղաքականությամբ չես կարող տարածաշրջանում խաղաղություն բերել
ՀՀ-ն առավել ջանք չի գործադրել բանակցություններում. Ադրբեջանը առարկության համար 3 փաստարկ ունի
«Արմմոնո» փառատոնը խոսում է երազանքների մասին. ազատագրում է փակ դռներից
ԱԺ ՄԻՊ նիստում հաստատվեց 2014-ի եզդիների նկատմամբ ցեղասպանությունը դատապարտող նախագիծը
Փողոցները մաքրող անձանց մի մասը կամուրջի տակ է փոխում հանդերձանքը, լոգարանով տեղ տվեք․ ՔՊ անդամ
17:00
Live. «Առաջին լրատվական» տեղեկատվական-վերլուծական կենտրոն
«Մի պահ պատկերացրեք, թե ինչ տեղի կունենա ցանկացած երկրում, եթե Ոստիկանություն չլինի». վարչապետ
Սինջարում եզդիների նահատակությունը Հայոց ցեղասպանության կրկնությունն է՝ մեկ դար տարբերությամբ․ Հայաստանում Ֆրանսիայի դեսպան
Ինչու՞ Ստեփանակերտը չպատասխանեց
Նիկոլ Փաշինյանը շնորհավորական ուղերձ է հղել Իսլանդիայի վարչապետին
Ընդդեմ Ադրբեջանի հայցը ընթանում է հօգուտ Հայաստանի
Գուցե աղմկահարույց էին քանդման աշխատանքները, զավթված կանաչ տարածքները մեկի ամառանոցը չի կարող լինել
«Կոնսերվատորիայի տեղափոխումը չի նշանակում փակել», «Մեզ ուղիղ չվերաբերող հարց է,ԿԳՄՍՆ-ի հետ քննարկեք»
Եղել է և՛ հարցաքննություն, և՛ առերեսում. Հակոբ Ասլանյանը՝ իրեն առնչվող միջադեպի մասին
Ալիևը բացեց «Ռազմավարի պուրակը», «Հա՛յ, մեռնելու ես» բառերը նորմա՞լ են ՄԱԿ-ի դատարանի համար
625 հարկ վճարողի մոտ արձանագրվել է ՀԴՄ կիրառման կանոնների խախտում
Ղազախստանը թուրք-ադրբեջանական շահերի դեմ երբեք չի գնացել. չի կարող լինել անաչառ միջնորդ
Փրկարարները հայտնաբերել են ՀՀ Կարմիր գրքում գրանցված վիրավոր լորաճուռակ
Հարգելի՛ Մարիա բաջի, տես ԱՄՆ-ն ինչպես է կանգնել իր դաշնակցի կողքին․ մեզ նրա պես դաշնակից է պետք
Քննության ընթացքին հետևել է Սուրեն Պապիկյանը
Թբիլիսիում ծավալվող թեժ իրադարձությունները ունեն տարածաշրջանային ընդգրկում․ հայացք Երևանից
Ուղիղ․ ՀՀ-ում Իրանի դեսպանի ասուլիսը
ՊՆ պաշտոնյան մեղադրվում է մի շարք զորակոչիկների օգտին ապօրինի գործողություններ կատարելու համար 125.000 ԱՄՆ դոլար կաշառք ստանալու մեջ
15:20
ԱՄՆ-ն Իսրայելին ծանուցել է, որ չի մասնակցելու Իրանի դեմ հնարավոր գործողություններին. ABC

Եթե Նիկոլը շարունակի այս քայլերով առաջ գնալ, ապա մինչև հոկտեմբեր՝ նրանք Նիկոլի գլուխը կուտեն․ Վարդան Մալխասյան

«Առաջին լրատվական»-ի զրուցակցին է ՀԱԿ վարչության անդամ Վարդան Մալխասյանը։

-Պարոն Մալխասյան, ՀՅԴն հայտարարել է, որ լինելու է արմատական ընդդիմություն ու  իր կուսակցական շարքերին, երկրի ապագայով մտահոգ անձանց կոչ է անում շարունակել վճռական պայքարը՝ օր առաջ իշխանություններին հեռացնելու  համար։ Ի՞նչ դիտարկումներ ունեք այս հայտարարության շուրջ։

Քաղաքականության մեջ մի ոսկե կանոն կա։ Եթե քրիստոնեությունն ասում է՝ մի՛ դատիր, որ չդատվես, ապա քաղաքականությունն ասում է՝ դատիր, ոչ չդատվես։ Հիմա Փաշինյանը չկարողացավ նրանց դատել, նրանք էլ մտածում են՝ ով որ պետք է իրենց դատեր, թույլ է ու խեղճ, իրենք  են ոտքի ելել՝ Փաշինյանին դատելու։ Բայց ես ապշում եմ, որ գայլը վրան  ոչխարի մորթի է առել ու եկել գառներին դատավոր դարձել։

Կարող է շատերը մոռացած լինեն, բայց Քոչարյանի իշխանության տարիներին, երբ ընդդիմությունը նրան շատ քննադատում էր, նա հայտարարեց, որ  լուծել են այս ու այս խնդիրը, նաև՝ պրեզիդենտի տակ պառկող կուսակցությունների խնդիրը։ Ես հիշում եմ, որ այդ հանցագործ բանդիտական իշխանությունը պահելու նպատակով՝ նրանք որդեգրեցին ժողովրդին խեղճացնելու ու բարոյալքելու ճանապարհը։ Հասարակությանը փչացնելը կարծես դարձել է Քոչարյանի ու Դաշնակցության գերխնդիրը։ Իրենք այս ընտրություններին քիչ ձայն չեն հավաքել ու դա լուրջ մտահոգության տեղիք է տալիս։ Նրանք  իրենց իշխանության տարիներին առաջ բերեցին ցինիզմի ու առևտրի բոլոր նրբությունները։ Սկսած՝ փառամոլ, վախկոտ ու տխմար ակադեմիկոսներից մինչև ծախու մտավորականներ։ Մականունավոր կիսագրագետ  փչացած պատգամավորներից մինչև 100 դոլարանոց երգիչներ ու երգչուհիներ։ Հանցագործ փչացած գյուղապետերից մինչև ստախոս կուսակցության պետեր, որոնք մեկ րոպեում պատրաստ են իրենց կուսակցությունը վաճառել։ Այս ընտրություններին նաև դա տեսանք։ Ամեն ինչ վաճառվում է  ու գնվում։ Հիմա այդ փչացած դասակարգը ոտքի ելավ իրենց պաշտպանելու, իրենք հենց դրա համար էին փչացրել։ Եթե մարդիկ ընդունել են ստորության կանոնները, պետք է շարունակեն այդ ճանապարհը ու գնան մինչև վերջ։

-Նրանք  նաև Սահմանադրական դատարան են դիմել, ի՞նչ սպասել։

-Այդ մարդիկ արդարադատություն են պահանջում՝ այն դեպքում, երբ 20 տարի անարգել պղծել, կողոպտել ու թալանել են երկիրը՝ բոլոր ուղղություններով ու երանգներով։ Ոչ ոք նրանցից հաշիվ չպահանջեց այդ թալանածի համար, դրա համար էլ հիմա իրենք են հաշիվ պահանջում։ Ինչքան անմեղ դատեր եղան, անհամեստ չհնչի՝ այդ թվում նաև ինձ։ Ինձ ՄԻԵԴ-ը արդարացրեց, բայց որևէ դատախազ ու դատավոր պատասխան տվե՞լ է դրա համար։ Այսինքն՝ անարդարության, կեղծիքների մեղքերը վզին՝ մարդիկ գնացել արդարություն են պահանջում։ Կատարյալ զավեշտ է։ Նրան իշխանության են եկել հայ ժողովրդի արյան ու դիակների վրայով։Այդ նույն մարդիկ այսօր եկել արդարությունից ու արդարադատությունից են խոսում։ Սրա պատճառն այն է, որ հեղափոխությունից հետո եկած ուժերը չլուծեցին բանդիտների խնդիրը, չգամեցին նրանց անարգանքի սյունին։ Դաշնակցությունը նախևառաջ թող իր կատարածներից  խոսա։ Լավ ճանաչում եմ Արագածոտնի նախկին դաշնակցական մարզպետին։ Շատ լավ գիտեմ, որ նախքան մարզպետ դառնալը չափավոր կյանքով ապրող մարդ է եղել։ Մարզպետ դառնալուց հետո ֆանտաստիկ հարստությունների տեր դարձավ։ Որևէ մեկը նրանցից հաշիվ պահանջե՞ց, եթե՝ ոչ, ապա նրանք մեզնից կպահանջեն հաշիվ։ Կյանքի օրենքն է այդպես։

Եթե Նիկոլը շարունակի այս քայլերով առաջ գնալ, ապա մինչև հոկտեմբեր  ամիս՝ նրանք Նիկոլի գլուխը կուտեն։ Կա՛մ կտապալեն կա՛մ էլ Նիկոլի անգործության պատճառով ժողովուրդը կզզվի նրանից ու դուրս  կգա  և՛ Նիկոլին տապալելու և՛ նրանց։

-Իսկ  ի՞նչ գործողություններ են հնարավոր՝ հակաօրինական և հակասահմանադրակա՞ն։

-Անպայման հնարավոր են նման քայլեր։ Մարդուն ճանաչելու համար պետք է նայես նրանց անցյալը։ Իսկ նրանք թաղված են արյան մեջ։ Արյան ծարավ են։ Եթե նրանք զգում են, որ ժողովրդավարական  ձևերով հնարավոր չէ իշխանություն փոխել՝ պետք է անցնեն Պլան Բ-ի՝ ֆիզիկապես ոչնչացնել։ Ինչու՞ են դիմել սահմանադրական դատարան, որպեսզի ժամանակ շահեն։ Եթե մեկ ամիս էլ այդ քայլերի հետևանքով ձգձգեն, Նիկոլն էլ չկարողանա Ազգային ժողով ու կառավարություն ձևավորել, դժգոհությունը կշատանա։ Ավելի կխորանան այն կարծիքները, որ Նիկոլը թույլ է, չի կարողանում ոչինչ անել։ Այդ թուլացած պահերին այնպիսի մի հարված կհասցնեն, որ Նիկոլը կբժժի։ ժամանակին Վազգենին էլ էինք հարյուր անգամ զգուշացնում, ասում էինք դավեր են նյութում, բայց բանի տեղ չդրեց ու արդյունքը տեսանք։ Երկու անգամ Վազգենը ծեծեց Քոչարյանին, նա ձայն չէր հանում, բայց հետո կամաց ծրագիրը կազմեց, որ ոչ թե ծեծեց այլ մարդուն հողի տակ մտցրեց։ Նույնն էլ հիմա է լինելու։ Ինչու՞ կտրուկ քայլեր չի անում, որովհետև չունի համակարգ, ԱԱԾ։ Խիստ, վճռական քայլեր ես չեմ տեսնում։ Միլիարդներով սրբել-տարել են երկիրը, բայց նույնիսկ կեսը չեն կարողանում հետ բերել, որովհետև չունեն գործիքակազմ, արհեստավարժ մասնագետներ։

 

Բաժիններ
Ուղիղ
Լրահոս
Որոնում