Կիրակի Ֆիլիպիններում ռազմական С-130 ինքնաթիռը մխրճվել է Ջոլո կղզում գտնվող գյուղի մեջ։ Զոհվել է 47 զինծառայող և 3 քաղաքացիական անձ։ Այս մասին հայտնում է Reuters-ը՝ հղում անելով երկրի ՊՆ-ին։
Նշվում է, որ ինքնաթիռը տեղափոխում էր 96 զինվորականի, ներառյալ 3 օդաչուի և անձնակազմի 5 անդամի, Կագայան-դե-Օրո քաղաքից Ջոլո կղզի՝ ահաբեկչության դեմ պայքարի օպերատիվ խմբի կազմում, ծայրահեղականների և ապստամբներին դիմակայելու համար։
Սակայն օդանավակայանում վայրէջքի ժամանակ ինքնաթիռը բաց է թողել թռիչքուղին և մխրճվել հարակից գյուղի մեջ, ինչից հետո հրդեհ է բռնկվել։ Նշվում է, որ օդաչուն կորցրել է ինքնաթիռի կառավարումը։ 49 զինվորական հոսպիտալացվել է։ Վթարի հետևանքով տուժել է նաև 4 քաղաքացիական անձ։
