Հնդկաստանի առողջապահության նախարարությունը թույլատրել է հղի կանանց պատվաստել COVID-19- ի դեմ։ Այս մասին հունիսի 25-ին հաղորդել է regnum.ru-ն:
Հնդկաստանի առողջապահության նախարարությունում կարծում են, որ նման պատվաստումը նույնիսկ օգտակար է ապագա մայրերի համար: Հնդկաստանում արգելված է երեխաների պատվաստումը: Ներկայում 2-ից 18 տարեկան երեխաների շրջանում հակակորոնավիրուսային պատվաստանյութ է փորձարկվում: Փորձարկումը կավարտվի սեպտեմբերին։
Հնդկաստանի «Կովիդշիլդ» և «Կովաքսին» պատվաստանյութերը գործում են կորոնավիրուսի «ալֆա», «բետա», «գամմա» և «դելտա» տեսակների դեմ: «Դելտա» շտամը, որն առաջին անգամ հայտնաբերվել է Հնդկաստանում, այժմ մուտացիայի է ենթարկվել, և ի հայտ է եկել «դելտա պլյուս» տարատեսակը: Վիրուսի նոր տարբերակը մեծ անհանգստություն է առաջացրել Հնդկաստանում: