Հայ ազգային Կոնգրեսի փոխնախագահ, Կոնգրեսի ընտրական շտաբի պետ, Կոնգրեսի ցուցակով պատգամավորի թեկնածու Լևոն Զուրաբյանի հայտարարությունը.
Սիրելի ընկերներ,
Իսկապես ճակատագրական ընտրություններ են, եւ մեր ազգի ճակատագիրն այսօր բառիս բուն իմաստով գտնվում է ձեր ձեռքերում: Գիտեք, ինչ է պետք անել հանուն խաղաղության, կայունության, քաղաքացիական անդորրի (եւ ոչ` անդունդի :)), պետականության ամրացման, արդարության եւ առաջընթացի:
Մի սահմանափակվեք քվեարկելով, այսօր դուք երկրի փրկության զինվորն եք, կապվեք ձեր մտերիմների, բարեկամների, ծանոթների հետ, հաղորդեք նրանց լրջանալու պահի զգացումը, մտահոգությունը երկրի ապագայի համար եւ հույսը:
Ապագայի համար այս կռիվը երբեք այսքան կարեւոր չի եղել եւ այս կռվի ելքը երբեք այսքան կախված չի եղել ձեզանից, քան այսօր: Այսօրվա ձեր ամեն քայլը, ամեն զանգը, ամեն հորդորը հաշիվ է:
Մեր երկրին` հաղթանակ:
