Ավստրալիայի Մելբուրն քաղաքի հանցավոր խմբավորման «կնքամայր» Ջուդի Մորանին դատապարտեցին 26 տարվա ազատազրկման. տեղեկացնում է Associated Press-ը: Նա մեղադրվում էր 2009 թ. իր տեգրոջ սպանությունը պատվիրելու մեջ:
Պատճառն այն էր, որ Դեզմոնդ Մորանը դադարել էր 2000 դոլարի հասնող ամսական հարկը վճարել: Սպանության անմիջական կատարողը նույնպես 26 տարվա ազատազրկման է դատապարտվել: Սպանության համար նա Land Rover մեքենա էր ստացել:
Մորանների «ընտանիքը» Մելբուրնի ամենահզոր հանցավոր խմբավորումներից է: 1998-2010 թթ. այն ներքաշված էր հանցավոր պատերազմի մեջ, որի ընթացքում մոտ 40 մարդ է զոհվել, այդ թվում Ջուդի Մորանի երկու որդիները և նրա առաջին և երկրորդ ամուսինները:
