Մոսկվան ուժեղացնելու է ռեստորաններում, ակումբներում և առևտրի կենտրոններում դիմակներ և ձեռնոցներ կրելու նկատմամբ վերահսկողությունը

Մոսկվայի իշխանությունները խստացրել են հասարակական վայրերում դիմակներ ու ձեռնոցներ կրելու նկատմամբ վերահսկողությունը, լրագրողներին ասել է մայրաքաղաքի վերահսկողության գլխավոր վարչության պետ Եվգենի Դանչիկովը:

Չորեքշաբթի օրը օպերատիվ շտաբը տեղեկացրել էր, որ Մոսկվայում կորոնավիրուսի նոր դեպքերի թիվը հունվարի 16-ից սկսած ամենաբարձրն է՝ 4 124:

«Մոսկվայում համաճարակաբանական իրավիճակը վատթարանում է, դեպքերի թիվն աճում է: Այս առումով, այսօրվանից հասարակական վայրերում, ներառյալ հասարակական տրանսպորտում և մետրոյում, առևտրի և ժամանցի կենտրոններում քաղաքացիների կողմից, ինչպես նաև այլ վայրերում, որտեղ քաղաքացիների կուտակումներ են լինում, անձնական պաշտպանության միջոցների օգտագործման նկատմամբ վերահսկողությունն ավելի է ուժեղացվում»,- ասել է Դանչիկովը:

Նա հիշեցրել է, որ պահանջները խախտելու համար նախատեսվում է 4-5 հազար ռուբլի տուգանք: