Էվանստոնի Հյուսիսարևմտյան համալսարանի հետազոտողները ստեղծել են աստղերի առաջացման գործընթացի դինամիկ եռաչափ մոդել: Корреспондент պարբերականի փոխանցմամբ՝ այդ մասին հայտնում է Рhys.org հարթակը:
Նշվում է, որ աստղերը ստեղծվում են տասնյակ միլիոնավոր տարիների ընթացքում, այդ պատճառով էլ այդ գործընթացը հնարավոր չէ տեսնել իրական ժամանակում: Այնուամենայնիվ, աստղաֆիզիկոսները մոդելավորել են աստղերի առաջացումը և ցույց տվել, թե ինչպես է դա տեղի ունենում:
Տեսանյութը ստեղծելու համար գիտնականները վերլուծել են բազմաթիվ տեղեկություններ գազային դինամիկայի, մագնիսական դաշտերի, ձգողականության, տաքացման և սառեցման, աստղերի տարբեր հաճախականությունների տիրույթներում ճառագայթման մասին: Իսկ այս տեսանյութը գործի դնելու համար փորձագետներն օգտագործել են աշխարհի ամենահզոր համակարգիչը, որը գտնվում է Տեխասի առաջադեմ համակարգչային կենտրոնում:
Մոդելը ցույց է տալիս գազի հսկայական ամպ, որն աստիճանաբար ստեղծում է մասերի բաժանվող կառույցներ, որոնցից աստղեր են առաջանում: Ընդ որում, պրոտո-աստղերի բևեռներից գազ է դուրս գալիս, և երբ այն վերջանում է, գործընթացը համարվում է ավարտված: