«ՀԱԿ երիտասարդ 7 ակտիվիստների ձերբակալման մասին արձանագրությունը կազմվել է առանց փաստաբանի ներկայության, ուստի անօրինական է»,-
«Առաջին լրատվականի» հետ զրույցում ասաց փաստաբան Ստեփան Ոսկանյանը, ով ներգրավված է այս գործում որպես պաշտպան։
«Հիմա մեր առաջին քայլը լինելու է փաստաբան ներգրավելը»,- ասաց Ոսկանյանը։
Հիշեցնենք, որ տղաներին ձերբակալել են քրեական օրենսգրքի 258 հոդվածի 3-րդ մասի առաջին կետի և 316 հոդվածների առաջին մասին հատկանիշներով։
Փաստաբանը «Առաջին լրատվական»-ի հետ զրույցում հայտնեց, որ տղաները բռնություն չեն կիրառել, ընդհակառակը՝ ծեծի են ենթարկվել ոստիկանության աշխատակիցների կողմից, ինչի մասին վկայում են մարմնական վնակսվածքները։ Փաստաբանը հարկ համարեց հիշեցնել նաև, որ տղաները բոլորը եղել են սթափ վիճակում։
