Լիբիայի հեռուստաընկերությունը ցուցադրել է կադրեր, որտեղ Քադաֆիի որդի Խամիսը, որը, ըստ ապստամբների տվյալների, սպանվել էր անցած շաբաթ, այցելում է ավիահարձակման հետևանքով վիրավորներին: Այս մասին հայտնում է Reuters-ը:
Լիբիացի ապստամբների ղեկավարությունը հայտարարել էր, թե Մուամար Քադաֆիի 28-ամյա որդի Խամիսը ուրբաթ գիշերը զոհվել է NATO-ի ավիահարձակման հետևանքով Զլիտան քաղաքի մոտ, որը Քադաֆիի զորքերի տնօրինման ներքո է: Ըստ ապստամբների տվյալների՝ Զլիտան քաղաքի ռմբակոծման հետևանքով 32 մարդ է զոհվել: