ՌԴ Կենտրոնական դաշնային շրջանում գրանցված ռեկորդային տաք ջերմաստիճանը թույլ է տալիս ձու եփել անմիջապես ավազի վրա: Այս մասին «ՌԻԱ Նովոստի» գործակալությանը հայտնել է օդերևութաբանական կենտրոնի ղեկավար Ռոման Վիլֆանդը:
Ավելի վաղ օդերևութաբանական կենտրոնը հայտնել էր, որ մայիսի 18-ին Կենտրոնական դաշնային շրջանի մի շարք հատվածներում, այդ թվում՝ Մոսկվայում, ջերմաստիճանը կարող է հասնել 35 աստիճանի:
«Հավկիթները կարելի է եփել անմիջապես ավազի մեջ: Դրա համար կպահանջվի մոտ 30 րոպե: Բայց ավազը պետք է չոր լինի»,-ասել է Վիլֆանդը:
Նա ավելացրել է, որ ավազը պետք է գտնվի արևի տակ, այսինքն՝ դրա մակերեսի ջերմաստիճանը պետք է առավելագույնս բարձր լինի:
