Իրանի արտաքին գործերի նախարար Ջավադ Զարիֆն առաջարկել է ստեղծել անկախ միջազգային դիտորդական կառույց՝ պաղեստինցիների դեմ Իսրայելի ռազմական հանցագործությունները գրանցելու համար:
«Անհրաժեշտ է ստեղծել անկախ մասնագիտական միջազգային դիտորդական կառույց՝ պաղեստինցիների դեմ ռազմական հանցագործությունները գրանցելու և Իսրայելի ռազմական հանցագործությունները միջազգային քրեական դատարանում հետաքննելու համար», – ասել է Զարիֆը՝ ելույթ ունենալով Իսլամական համագործակցության կազմակերպության (ԻՀԿ) առցանց ձևաչափով անցկացվող նիստում:
Զարիֆը նշել է, որ Իրանը պաղեստինցիների և մահմեդականների իրավունքները պաշտպանելու համար պատրաստ է մոռանալ այլ մահմեդական երկրների հետ տարաձայնությունների մասին և նրանց ձեռք մեկնել համատեղ գործողությունների համար:
Գազայի հատվածի շուրջ 10 000 բնակիչներ ստիպված են եղել լքել իրենց տները իսրայելական բանակի կողմից Գազայի հատվածի ռմբակոծության հետևանքով, հայտնել էր Պաղեստինի արտաքին գործերի նախարար Ռիադ Ալ Մալիկին՝ ելույթ ունենալով Իսլամական համագործակցության կազմակերպության նիստին:
Թուրքիայի ԱԳ նախարար Մևլութ Չավուշօղլուն նույն նիստի ժամանակ նշել էր. «եկել է Պաղեստինի հարցում միասնության ու վճռականության ժամանակը: Իսլամական աշխարհը մեզնից ղեկավարում է ակնկալում, և Թուրքիան պատրաստ է բոլոր անհրաժեշտ քայլերին»:
