Թուրքիայի նախկին արտգործնախարար Ահմեթ Դավութօղլուն քննադատել է ներկայիս արտգործնախարար Մևլութ Չավուշօղլուին։ Չավուշօղլուն հայտարարել էր, որ մինչև մայիս ամսվա վերջ կորոնավիրուսի դեմ պատվաստելու են բոլոր նրանց, որոնց հետ տուրիստներն առնչություն են ունենալու։ Հաղորդում է Ermenihaber․am-ը։
Նախկին արտգործանախարար, ներկայում ընդդիմադիր «Ապագա» (Gelecek) կուսակցության առաջնորդ Ահմեթ Դավութօղլուն Չավուշօղլուի այս հայտարարության առնչությամբ իր վրդովմունքն է արտահայտել նշելով. «Տեսե՛ք, թե ինչ օրի են հասցրել մեր երկիրը։ Մենք գաղութ երկիր չենք»։
Ահմեթ Դավութօղլուն հանդիմանել է Չավուշօղլուին հետևյալ խոսքերով.
«Երանի փողի մոլուցքը ձեր աչքերը չկուրացներ, նախ մտածեիք աշակերտների հետ առնչվող ուսուցիչների պատվաստման մասին»։