Ռուսաստանի նախագահ Վլադիմիր Պուտինն օրենք է ստորագրել, որով արգելվում է պետական համակարգի աշխատողներին երկրորդ քաղաքացիություն կամ կացության թույլտվություն ունենալ արտերկրում։ Համապատասխան փաստաթուղթը հրապարակվել է ապրիլի 30-ին, հայտնում է RIA Novosti-ն։
Այն տարածվում է պետական պահպանությա, մաքսային մարմինների աշխատակիցների, զինծառայողների, գվարդիականների, Արտակարգ իրավիճակների նախարարության, Արտաքին հետախուզական ծառայության, Դաշնային քրեակատարողական ծառայության, Պետդումայի պատգամավորների, ՌԴ սուբյեկտների ղեկավարների, ԿԲ նախագահի, տեղակալների, ՆԳՆ և ՔԿ աշխատողների, Երեխայի իրավունքների հանձնակատարի, Ֆինանսական հաշտարարի և հասարակական դիտորդական հանձնաժողովների անդամների վրա:
Բացի այդ, երկրորդ քաղաքացիություն կամ օտարերկրյա կացության թույլտվություն ունեցող ռուսաստանցին չի կարող նշանակվել դեսպան օտարերկրյա պետությունում կամ ՌԴ ներկայացուցիչ՝ միջազգային կազմակերպությունում:
Փաստաթղթում նշվում է, որ պաշտոնանկ կարվեն այն պաշտոնյաները, ովքեր օտարերկրյա քաղաքացիության բացակայության պահանջների ուժի մեջ մտնելուց վեց ամիս անց չեն տրամադրի համապատասխան փաստաթուղթ:
