Ատոմային Էներգիայի միջազգային գործակալությունը (ՄԱԳԱՏԷ) կշարունակի աջակցություն ցույց տալ Ուկրաինային Չեռնոբիլի ատոմակայանի վթարի հետեւանքների վերացման գործում: Ապրիլի 26-ին այս հայտարարությամբ հանդես Է եկել ՄԱԳԱՏԷ-ի գլխավոր տնօրեն Ռաֆայել Գրոսսին, որը ժամանել Է Ուկրաինա Չեռնոբիլի ԱԷԿ-ի աղետի տարելիցի առթիվ:
«Այսօր Չեռնոբիլի վթարի 35-րդ տարելիցն Է: Ես գտնվում եմ Ուկրաինայում՝ միանալու համար նախագահ Վլադիմիր Զելենսկիին հիշատակի արարողությանը: ՄԱԳԱՏԷ-ն օժանդակում Է Ուկրաինային այդ ժամանակվանից եւ կշարունակի անել դա»,- գրել Է Գրոսսին «Թվիթերում»:
Նրա խոսքով՝ ՄԱԳԱՏԷ-ն նաեւ շարունակում Է ընդլայնել համագործակցության միջազգային ուղիները միջուկային անվտանգության բնագավառում՝ հանուն համընդհանուր բարօրության:
«Ուկրաինա իմ պաշտոնական այցի ժամանակ ես նախագահ Զելենսկիին հավաստեցի, որ ՄԱԳԱՏԷ-ն կշարունակի անդուլ աշխատել Չեռնոբիլի վթարի պատճառով շահագործումից հանելու, ճառագայթաակտիվ թափոնների եւ շրջակա միջավայրի վերականգնման հարցերի լուծման համար»,- ընդգծել Է Գրոսսին:
Չեռնոբիլի ատոմակայնում վթարը, որը գտնվում Է Ուկրաինայի Կիեւի մարզում, տեղի Է ունեցել 1986 թվականի ապրիլի 26-ին: Կայանի չորրորդ Էնրգաբլոկում տուրբագեներատորի փորձարկումների ժամանակ տեղի Է ունեցել պայթյուն եւ հրդեհ, որոնք հանգեցրել են ատոմային Էներգտիկայի պատմության մեջ խոշորագույն վթարի: Ճառագայթաակտիվ նյութերի արտանետման հետեւանքով շուրջ 600 մարդ կայանի անձնակազմի թվից եւ հրշեջներ բարձր դոզանների ճառագայթում են ստացել, նրանցից 28-ը մահացել Է 1986 թվականի ընթացքում, հաղորդել Է ՏԱՍՍ-ը:
