Եվրամիությունը պատրաստվում է աջակցություն տրամադրել Հնդկաստանին՝ հաշվի առնելով երկրում տիրող համաճարակային իրավիճակը, հայտարարել է Եվրահանձնաժողովի ղեկավար Ուրսուլա ֆոն դեր Լայենը:
Կորոնավիրուսի հաստատված ցուցանիշներով Հնդկաստանը աշխարհում զբաղեցնում է ամենաբարձր հորիզոնականը։Երկրում դեպքերի թվի աճը շարունակվել է փետրվարի կեսերից: Հայտարարվել է, որ Հնդկաստանում կորոնավիրուսային վարակի հայտնաբերման օրական աճը կազմել է 349 691 դեպք, մահացել է ավելի քան 2,7 հազար մարդ, սա համաճարակի սկզբից ի վեր ամենաբարձր ցուցանիշն է:
«Ինձ անհանգստացնում է Հնդկաստանի համաճարակաբանական իրավիճակը: Մենք պատրաստ ենք աջակցություն ցուցաբերել: ԵՄ-ն ռեսուրսներ է հավաքում`ԵՄ քաղաքացիական պաշտպանության մեխանիզմի միջոցով Հնդկաստանի օգնության խնդրանքին արագ արձագանքելու համար»,- Twitter-ի իր էջում գրել է Եվրահանձնաժողովի ղեկավարը։
Ավելի վաղ հաղորդվել էր նաև, որ Վաշինգտոնը լրացուցիչ աջակցություն կցուցաբերի Հնդկաստանին: Բրիտանիան նույնպես պատրաստակամություն է հայտնել օգնել:
Economic Times- ն էլ հայտնել էլ է, որ Ռուսաստանը Հնդկաստանին առաջարկել է հակավիրուսային պրեպարատներ ներմուծել, որոնք օգտագործվում է կորոնավիրուսի բուժման համար: Հնդկաստանը նախկինում արգելում էր Ремдесивир-ի մուտքը երկիր՝ COVID-19 դեպքերի թվի կտրուկ աճի ֆոնին: Բացի դրանից, առաջիկայում բանակցությունները կարող են սկսվել Ռուսաստանից Հնդկաստան ծովային ճանապարհով բժշկական թթվածնի մատակարարման շուրջ:
Միևնույն ժամանակ,գիտնականները Հնդկաստանի Արեւմտյան Բենգալա նահանգում հայտնաբերել են կորոնավիրուսի B.1.618 նոր տեսակ: Կորոնավիրուսի նոր շտամը եռակի մուտացված շտամ է և կարող է ավելի արագ տարածվել, կարծում է համաճարակաբանության հնդիկ պրոֆեսոր Մադհուկար Պայը:
Ավելի վաղ հաղորդվել էր, որ Իտալիայի իշխանությունները երկու շաբաթով արգելել են Հնդկաստանում գտնվող անձանց երկիր մուտք գործել, իսկ Գերմանիան կկրճատի Հնդկաստանի հետ ուղևորափոխադրումները: