ԱԺ անկախ պատգամավոր Արման Բաբաջանյանը ֆեյսբուքյան իր էջու գրել է.
Իմ պատգամավորական գործունեության ընթացքում բազմաթիվ ներդրողների հետ եմ հանդիպել, տասնյակ ներդրումային փաթեթներ անձնապես, առանց որևէ ակնկալիքի տարել ուղիղ փոխվարչապետներին, նախարարներին եմ ներկայացրել:
Ներդրումների մի մասը հաջողել է, մյուսը ընթացքի մեջ է, մի մասն էլ պարզապես չի ստացվել առաջ տանել: Բայց ոչ մի օր, ոչ մի վայրկյան երկրի համար ներդրումը չեմ հետաձգել ընտրություններում քարոզարշավի համար որպես հնարավորություն օգտագործելու համար:
Հայրենիքը, պետությունը մանդատից, ԱԺ-ից, մասնակի կամ ամբողջական իշխանությունից վեր է: Ամեն ինչից կարևոր, բոլորից:
Մանավանդ, որ իշխանության մասին ընդհանրական վերաբերմունքից դուրս բազմաթիվ լավ ընկերներ ու բարեկամներ ունենք իշխանության ներսում, որոնք միշտ պատրաստ են լսել, ընդառաջել, եթե գիտելիքը, ընկալումը, թափը, կարողությունը ներում է:
