Դատական համակարգը դիրքավորվել է ընդդեմ իշխանության ու պետության։ Այս դատական համակարգով արդյո՞ք հնարավոր է գնալ արտահերթ ընտրությունների։ Այսօր «Հանուն Հանրապետության» կուսակցությունը բողոքի ակցիա անցկացրեց Բարձրագույն Դատական Խորհրդի դիմաց։ Մասնակցում էին փաստաբաններ, իրավապաշտպաններ, դատական համակարգի ապօրինություններից տուժած քաղաքացիներ։ Թեմայի շուրջ «Առաջին լրատվական»-ը զրուցել է «Հանուն Հանրապետության» կուսակցության ղեկավար մարմնի անդամ Վահագն Մարտիրոսյանի և «Արդար Հյաաստան» կուսակցության ղեկավար մարմնի անդամ Ռաֆայել Հովհաննիսյանի հետ:
«Դատական համակարգի նկատմամբ մեր դժգոհությունները չեն ծնվել Մարտի 1-ի գործի վերաբերյալ ՍԴ որոշումով, դրանք եկել և հանգուցալուծվել են ՍԴ որոշումով, այսինքն՝ ՍԴ որոշումն այն վերջին կետն էր, որը մեզ ստիպեց ակցիա իրականացնել:
Դատական համակարգն այսօր այն վիճակում է, որ իր դիրքորշմամբ ու դիրքավորմամբ ի ցույց է դրել, որ տեր է կանգնելու նախկին բարքերի վերականգնման գործընթացին: Դատական համակարգն այսօր, ըստ էության, նախկինից մնացած և այսօր երկրորդ շունչ ստացած միակ օղակն է, որը վիժեցնում է բարեփոխումների պրոցեսը: ԲԴԽ նախագահը, իր 2020թ. հայտարարությամբ ևս փաստեց այդ մասին, դա քաղաքական հայտարարություն էր, իրապես մարտակոչ էր՝ իրականացնել հեղաշրջում և ժողովրդի հաստատած իշխանության ոչնչացում: Այդ պատճառով է, որ այսօր բողոքի ակցիան ԲԴԽ-ի դիմաց ենք իրականացրել: ԲԴԽ-ն հիմք է դրել ակնհայտ հակահեղափոխական դիրքորոշման»,- նշեց Վահագն Մարտիրոսյանը՝ հավելելով, որ ստեղծված իրավիճակի և ամենաթողության մեղավորը իշխանությունն է:
Մանրամասները՝ տեսանյութում: