Իտալիայի ռազմածովային ուժերի կապիտանն իբր գաղտնի ռազմական տեղեկատվություն է փոխանցել երկրից վտարված ռուս դիվանագետներին, հաղորդում է Reuters-ը՝ հղում անելով իտալական ոստիկանությանը:
54-ամյա Վալտեր Բիոթը ձերբակալվել է Հռոմում, ապրիլի 1-ին: Նա մեղադրվում է Ռուսաստանին գաղտնի ռազմական տեղեկատվություն պարունակող 181 լուսանկար փոխանցելու մեջ: Դրանցից 47-ում ՆԱՏՕ-ի գաղտնի փաստաթղթեր են պատկերված:
Բիոթի փաստաբան Ռոբերտո Դե Վիտան հայտարարել է, որ իր պաշտպանյալը խոստովանել է փողի դիմաց տեղեկատվության փոխանցումը, բայց հերքում է իր մոտ գաղտնի փաստաթղթերի առկայությունը: Սակայն, Իտալիայի ոստիկանությունը հայտարարել է, որ Բիոթի մոտ հայտնաբերել է այդ լուսանկարների արխիվը:
Առաջին դատական նիստին Վալտեր Բիոթը հրաժարվել է ցուցմունք տալ և լռություն է պահպանել դատավարության ողջ ընթացքում:
«Նա խնդրել է իրեն ժամանակ տալ մտքերը հավաքելու համար»,- ասել է փաստաբան Դե Վիտան: