Քաղաքական և ընտրական տեխնոլոգիաների փորձագետ Արմեն Բադալյանը, «Առաջին լրատվականի» հետ զրույցում մեկնաբանելով իշխանության ներկայացուցիչների կողմից հնչող այն հայտարարությունները, որոնք կարող են խաթարել երկխոսության գործընթացը, հայտնեց.
«Այդ գործընթացում վերջնական որոշումը իշխանական կողմից կայացնում է հանրապետության նախագահ Սերժ Սարգսյանը, մնացած բոլոր հանրապետականների ասելիքը էական նշանակություն չունի տվյալ դեպքում։ Ի դեպ, հանրապետական որոշ գործիչներ նշում էին, որ կոալիցիան բանակցային գործընթացի մեջ չի մտնի ՀԱԿ-ի հետ, բայց ի վերջո մտավ, ասում էին, որ պատվիրակություն չի ստեղծվի, բայց ստեղծվեց աշխատանքային խումբ, որն ըստ էության պատվիրակություն է։ Այնպես որ, անկախ նրանից՝ ինչ կասեն հանրապետական գործիչները, բանակցային գոծընթացի վրա դա չի ազդում։ Այդ հայտարարություններին պետք է մոտենալ այնքանով՝ որքանով»։
Թե ինչ նպատակով են արվում այդ հայտարարությունները՝ Ա. Բադալյանը նկատեց. «Ուզում են ասել, որ իրենք ևս որոշումներ կայացնողներ են և այլն, պատճառները տարբեր կարող են լինել»։
