Բարձրագույն ուսումնական հաստատություններում ընդունելության քննությունների օրը Ուզբեկստանի ողջ տարածքում դադարել է գործել ինտերնետն ու հեռախոսային sms հաղորդագրությունների համակարգը:
Պաշտոնապես հաղորդվել է, որ անջատման պատճառը այդ համակարգերում իրականացվող վերանորոգման աշխատանքներն են: Սակայն ոչ պաշտոնական աղբյուրների համաձայն՝ այս քայլով իշխանությունները փորձում են խոչընդոտել քննությունների ժամանակ հեռախոսների կամ ինտերնետի միջոցով արտագրելու փորձերը:
Հայտնի է նաև, որ քննասենյակներ մուտք գործելուց առաջ ոստիկանությունը մանրազնին ստուգել է դիմորդներին՝ փնտրելով հուշող նյութեր և հեռախոսներ: Ամբողջ Ուզբեկստանում կապից կտրվել էր 19 միլիոն մարդ:
