«Լավ կլիներ, եթե պատերազմից հետո վարչապետը հեռանար: Ներքաղաքական կյանքում իմպերատիվը Նիկոլ Փաշինյանի հեռանալն է»,- այս մասին «Առաջին լրատվական»-ի հետ զրույցում նշեց բանաստեղծուհի, հրապարակախոս, ակնարկագիր և սյունակագիր Մարինե Պետրոսյանը:
«Հասարակության այն հատվածը, որի համար իմպերատիվը Նիկոլ Փաշինյանի հեռանալը չէ, չի գիտակցում, որ անվտանգության հարցը սուր է դրված»,- նշեց Պետրոսյանը:
Նրա դիտարկմամբ՝ Նիկոլ Փաշինյանը եկավ Սերժին մերժելու և հաղթեց, որովհետև գործի դրեց սոցիալական բողոքի, կողոպտված լինելու և անարդարության դիսկուրսը. «Եվ այդ դիսկուրսը դեռևս արդիական է: Դեռ ավելի շատ ատում են նախկիններին, քան կարողանում են այսօրվա վտանգը գիտակցել»:
«Եթե Նիկոլ Փաշինյանի հեռացման հարցը լուծվի, և դրանից հետո ինձ հարցնեն, թե որն է գլխավոր խնդիրը, ես կասեմ՝ ատելության գեներացման խնդիրը: Ես էլ ունեմ իմ մեղքի բաժինը, ես մասնակցել եմ 2008-ի շարժմանը, գրել եմ այն մասին, որ խնդիրը կոռուպցիան է, որ պետք է վերացնենք ավազակապետական ռեժիմը: Ուզում էինք վերացնել կոռուպցիան, բայց վերացնում ենք պետությունը»,- նշեց Պետրոսյանը:
Մանրամասն՝ տեսանյութում: