ԵՄ երկրները օրինական իրավունք ունեն գնելու ռուսական կամ չինական պատվաստանյութեր, ասել է Եվրահանձնաժողովի պաշտոնական ներկայացուցիչ Էրիկ Մամերը:
Նրա խոսքով՝ Եվրահանձնաժողովը որոշել է պատվաստանյութերի ընդհանուր գնումների պորտֆելը, որը մասնակից երկրներին պարտավորեցնում է լրացուցիչ բանակցություններ չանցկացնել հաստատված մատակարարների հետ:
«ԵՄ անդամ երկրներն օրինականորեն իրավունք ունեն պատվաստանյութեր գնելու մատակարարներից, որոնք պատվաստանյութերի նախնական պատվերի եվրոպական փաթեթի մաս չեն կազմում», – ասել է Մամերը:
Եվրահանձնաժողովի ներկայացուցիչը նշել է, որ նման դեպքերում երկրներն ինքնուրույն են պատասխանատու հետևանքների համար: