Էրբիլում Հայաստանի հյուպատոսության բացումը բավականին կարևոր քայլ է: Այս մասին «Առաջին Լրատվական»-ի հետ զրույցում ասաց արևելագետ Արմեն Պետրոսյանը: «Այս քայը պետք է դիտարկել ոչ թե առանձին Հայաստանի և այսպես կոչված «Իրաքյան Քրդստան» հարաբերությունների համատեքստում, այլ ընդհանուր առմամբ արաբական ուղեգծում ՀՀ-ի կողմից իրականացվող քաղաքականության համատեքստում: Այս տարածաշրջանը բավկանաչափ կարևոր է, կարևոր է ոչ միայն քաղաքական, այլ նաև տնտեսական առումով: Բոլոր հնարավորությունները պետք է օգտագործել այս ուղղությունը զարգացնելու համար»:
Մեր զրուցակցի խոսքով՝ անցյալ մեկ տասնամյակի ընթացքում, երբ Իրաքը որոշակի անկայունության շրջափուլ էր ապրում՝ պայմանավորված «արաբական գարնան» գործընացներով, խնդրահարույց էր այս ուղղությամբ որոշակի աշխատանք տանելը: «Հիմա կարծես թե վերջին 2-3 տարիների ընթացքում այս անկայունության ժամանակահատվածը հաղթահարվում է, այս երկրում տարբեր շահերի բախումն էլ որոշակի կայունության փուլ է մտնում: Սա նշում եմ, որովհետև նույն Էրբիլում Հայաստանի կողմից հյուպատոսության բացման թեման շահարկվում էր մի քանի տարի»:
Առավել մանրամասն՝ տեսանյութում: