Նյու Յորքի նահանգապետ Էնդրյու Կուոմոյի նախկին օգնականը նրան մեղադրել է սեքսուալ ոտնձգությունների մեջ՝ գրում է The New York Times- ը:
25-ամյա Շառլոտա Բենեթը՝ նահանգապետի նախկին գործադիր օգնականը և աշխատակազմի առողջապահական քաղաքականության հարցերով խորհրդականը, ասել է, որ պաշտոնյան իրեն հետապնդել է անցյալ տարվա գարնանն ու ամռանը: Աղջկա խոսքով՝ նա հարցրել է իր ինտիմ կյանքի մասին, բողոքել միայնությունից և մի անգամ հարցրել է՝ «երբևէ նա եղե՞լ է արդյոք տարիքով մեծ տղամարդու հետ»:
Այնուամենայնիվ, Բենեթը հայտարարել է, որ Կուոմոն չի փորձել դիպչել իրեն: Աղջկա խոսքով ՝ ինքը հասկացել է, որ տղամարդը ցանկանում է «քնել իր հետ»: Նա խոստովանել է, որ իրեն զգացել է «ահավոր անհարմար, ու վախեցել է»:
Այս մասին Բենեթը զեկուցել է Կուոմոյի աշխատակազմի ղեկավար Ջիլ Դե Ռոզյեին: Դրանից հետո նրան տեղափոխել են այլ պաշտոնի: Բենեթը դարձել է առողջապահական քաղաքականության հարցերով խորհրդատու: Միևնույն ժամանակ, պաշտոնյան չի պնդել հետաքննել միջադեպը, քանի որ նրան դուր է եկել նոր աշխատանքը, և նա ցանկացել է «առաջ շարժվել»:
Իր հերթին Կուոմոն, մեկնաբանելով այս մեղադրանքները, հավաստիացրել է, որ ինքը «երբեք սիրախաղ չի արել Բենեթի հետ»: Նա նաև հայտարարել է, որ չի փորձել «ոչ տեղին» գործել իր ենթակայի նկատմամբ:
