Սիրիացի զինյալները հարձակվել են Իդլիբի դեէսկալացման գոտու սահմանին գտնվող երեք նոր անցակետերից մեկի վրա: Ըստ Հակամարտող կողմերի հաշտեցման ռուսական կենտրոնի, կրակոցների տակ է հայտնվել «Սերաքաբ» կետը, որը, «Միզնազի» և «Աբու Ազեյդինի» կետերի հետ միաժամանակ, սկսել է աշխատանքը երկուշաբթի, փետրվարի 22-ին:
Հաղորդվում է, որ «Ջաբհաթ ան-Նուսրա» ահաբեկչական խմբավորման զինյալները ականանետային հարձակում են իրականացրել, հարձակմանը նաև անօդաչու թռչող սարք է մասնակցել:
Ռուսական հրամանատարության որոշման համաձայն անցակետի վարչակազմը տարհանվել է:
Կենտրոնի ղեկավարի տեղակալ, փոխծովակալ Վյաչեսլավ Սիտնիկը երկրի հյուսիս-արևմուտքի շրջանները վերահսկող թուրքական զորքերի հրամանատարությանը կոչ է արել ապահովել անցակետեր ժամանող խաղաղ բնակիչների անվտանգությունը: