ՆԱՏՕ-ի օդուժն այսօր ծանր հրթիռակոծության է ենթարկել Լիբիայի մայրաքաղաք Տրիպոլին: France Presse գործակալության լրագրողները, որոնք աշխատում են մայրաքաղաքում, հայտնել են, որ լսել են 10 հզոր պայթյուն: Նրանք չեն մանրամասնել, թե հատկապես որ շրջաններն են ենթարկվել ռմբակոծության:
Լիբիայի պետական հեռուստատեսությունն այսօր վաղ առավոտյան հաղորդել է, որ հրթիռակոծության են ենթարկվել քաղաքացիական և ռազմական օբյեկտներ, սակայն զոհերի և ավերածությունների մասին չի հաղորդվել: Երեկ խափանվել է Տրիպոլիի էլեկտրամատակարարումը: Ապստամբներին հաջողվել է քաղաքի էլեկտրակայանը սնուցող վառելիքատարի մեջ ցեմենտ լցնել, ինչը կանգնեցրել է վառելիքի հոսքը դեպի էլեկտրակայան:
