Իրանի զինված ուժերի աշխատակցին կասկածում են միջուկային ֆիզիկոս Մոհսեն Ֆախրիզադեի սպանությանը մասնակցելու մեջ: Այս մասին հայտարարել է Իսլամական Հանրապետության հետախուզության նախարարության ղեկավար Մահմուդ Ալավին IRIB TV2 հեռուստաալիքի եթերում։
Նախարարը նշել է, որ հետախուզությունն իմացել է ֆիզիկոսի վրա նախապատրաստվող մահափորձի մասին, և թե որտեղ է դա տեղի ունենալու, բայց ժամկետները հայտնի չեն եղել: Այս մասին գերատեսչությունը հաղորդել է համապատասխան մարմիններին սպանությունից հինգ օր առաջ: «Այն մարդը, որը զբաղվում էր մահափորձի առաջին նախապատրաստական գործողություններով, զինված ուժերի անդամ էր», – հայտարարել է նա:
Նոյեմբերի 27-ին հայտնի դարձավ, որ Ֆախրիզադեն Թեհրանի մերձակայքում տեղի ունեցած ահաբեկչության զոհ է դարձել: Հարձակման արդյունքում մի քանի մարդ զոհվեց: Իրանի նախագահ Հասան Ռոհանին կատարվածի մեջ մեղադրեց Իսրայելին: ԱՄՆ հետախուզության պաշտոնյաները միջուկային ֆիզիկոսի սպանությունը կապեցին ԱՄՆ նախագահի թեկնածու Ջո Բայդենի՝ Թեհրանի հետ հարաբերությունները վերականգնելու ծրագրերի հետ: