Գերմանիան բելառուսական ընդդիմությանը սատարելուն ուղղված ծրագրին հատկացրել է շուրջ 21 միլիոն եվրո՝ ասել է ԳԴՀ արտգործնախարար Հեյկո Մաասը: Այս միջոցները կուղղվեն ապաստարաններ և կրթաթոշակներ տրամադրելուն, ինչպես նաև «Բելառուսի քաղաքացիական հասարակություն» ծրագրի շրջանակներում «անկախ» լրատվամիջոցներին աջակցելուն:
«Համոզված եղեք. Գերմանիան և ԵՄ-ն ձեր կողքին են», – ասել է Մաասը: Բողոքի ցույցերին մասնակցելու համար կրթաթոշակ կտրվի դպրոցներից և համալսարաններից հեռացված ուսանողներին: Հետապնդվող բելառուսներին քաղաքական ապաստան կտրամադրվի Գերմանիայում: Մարդու իրավունքները ոտնահարողների դեմ գործի կդրվի ապացույցներ հավաքելու մեխանիզմ, որպեսզի դրանք հետագայում պատասխանատվության ենթարկվեն:
«Կգա մի օր, երբ Բելառուսի ժողովուրդը կկարողանա ապրել ժողովրդավարության, ազատության և օրենքի գերակայության պայմաններում», – շեշտել է Մաասը:
