Այսօր կառավարության նիստից հետո վարչապետ Տիգրան Սարգսյանը հանդիպել է Սփյուռքի նախարարության «Երիտասարդ առաջնորդների ամառային դպրոց» ծրագրի մասնակից սփյուռքահայ երիտասարդներին:
Վարչապետը պատասխանել է նրանց բարձրացրած հարցերին, որոնք վերաբերել են հայապահպանությանը, սփյուռքահայերի հայրենադարձությանը:
Տիգրան Սարգսյանը նշել է. «Մեզ համար չափազանց կարևոր է, որ ամրապնդվի կապը սփյուռքի հետ: Դրա համար սփյուռքի նախարարության միջոցով մշակել ենք տասնյակ ծրագրեր, որոնց նպատակն է ձեզ կապել հայրենիքին: Քանի որ սփյուռքը բազմազան է, նշանակում է` գործիքները, որ մենք առաջարկում ենք, նույնպես պետք է բազմազան լինեն և համապատասխանեն սփյուռքահայության կարիքներին: Դրա համար ձեզ հետ շփվելով, քննարկումներ կազմակերպելով` մեզ համար բացահայտում ենք այն առաջնահերթությունները, որոնք ձեզ համար կարևոր են` հայապահպանության գործն արդյունավետ դարձնելու համար»,- ասել է վարչապետը:
