Պետական, քաղաքական գործչի ու առաջնորդի համար ամենակարևորագույն գործառույթները որոնք են, որ այսօր բացակայում են գործող իշխանավորնմերի մոտ։ Թեմայի շուրջ «Առաջին լրատվական»-ը զրուցել է Ազգային-ժողովրդավարական բևեռ նախաձեռնության անդամ Գարեգին Չուգասզյանի հետ:
«Այն դարաշրջանը, որ մենք թևակոխել ենք, անհատի դարաշրջան չէ, ցանցի դարաշրջան է, այս դարաշրջանում անհատի դերն այլ է, քան նախորդ դարաշրջանում: Ցավոք հետխորհրդային շրջանում ձևավորվեց անհատի վրա հիմնված քաղաքական համակարգ, որը շարունակվեց նաև անկախության ամբողջ ընթացքում: Հիմա նույնպես մեկ հոգու վրա հիմնված քաղաքական դաշտ է: Եվ հիմա տարածված խոսակցություն է՝ եթե Նիկոլը չլինի, բա ո՞վ կլինի… Այսպիսի հասկացողությունը անհատապաշտության ակնկալիքներ է ստեղծում, որը անհատից չէ, այլ թիմի խնդիր է: Հիմա հարցերը շատ բարդ են, և անհրաժեշտ է թիմային, ցանցային ձևով լուծել, և թիմային կարողությունն առաջնային է»,- նշեց Չուգասզյանը:
Նրա դիտարկմամբ՝ ստեղծվել է մի իրավիճակ, որ անընդհատ հրշեջի կարգավիճակում ենք գտնվում, մի հրդեհ հանգցնելուց հետո նոր հրդեհներ են առաջանում. «Շատ կարևոր է ինքնատիրապետումը: Եթե մենք, որպես ժողովուրդ, չկարողանանք շղթա ստեղծել, չենք կարողանա արդյունքի հասնել: Այդ շղթայի մեջ մտնում է նախ երազանքը, որը դրդում է գործողությունների: Պետք են երազող մարդիկ, որոնք կձևակերպեն երազանքը և կտան ժողովրդին, հետո անհրաժեշտ է, որ այդ երազանքը ծրագրի վերածվի: Դրան պետք է հաջորդի իրականացումը: Այդ երեք օղակները հաջողության շղթա են ստեղծում»:
Չուգասզյանի դիտարկմամբ՝ ներկա իշխանությունն ու ընդդիմությունը սատանայի երկու ձեռքերն են:
Նրա խոսքով՝ Նիկոլը քաղաքական իմաստով ավարտված կերպար է. «Նրա առաջնորդությամբ մենք գնում ենք դեպի անդունդ»:
Չուգասզյանի խոսքով՝ իշխանության ներսից մեկը պետք է ստանձներ ժամանակավոր կառավարության ձևավորման գործը, և նախագահը նույնպես կարող էր դեր խաղալ այս հարցում… Մինչդեռ, մեր զրուցակցի գնահատմամբ. «Իշխանությունն իմպոտենտ է: Պատերազմը ավարտված չէ, հայ-ադրբեջանական հակասությունն ավելի է պրկվել, պայթուցիկ լուծումներ կլինեն, և մեր ժողովրդին պետք է նախապատրաստենք պաշտպանության, բայց իշխանությունը ոչինչ չի անում»:
Մանրամասները՝ տեսանյութում:
