Ֆրանսիայի և Միացյալ Նահանգների նախագահներ Էմանուել Մակրոնը և Ջո Բայդենը հեռախոսազրույցի ընթացքում պայմանավորվել են համատեղ աշխատել`լուծելու Մերձավոր Արևելքում առկա խնդիրները: Այդ մասին հայտնում է «Ինտերֆաքս» -ը:
«Նրանք հայտարարել են, որ իրենց դիրքորոշումները համընկնում են և ցանկություն են հայտնել համատեղ աշխատել Մերձավոր Արևելքում խաղաղություն և կայունություն ապահովելու համար», – ասվում է հաղորդագրության մեջ:
Նշվում է, որ խոսքը «հատկապես» իրանական միջուկային դոսյեի և Լիբանանում տիրող իրավիճակի մասին է:
Ընդգծվում է, որ ընդհանուր առմամբ, զրուցակիցները «նշել են, որ շատ հարցերում համաձայն են միմյանց հետ՝ միջազգային անվտանգությանը վերաբերող թեմաների շուրջ»:
