Երեկ Ճապոնիան Չինաստանին մեղադրել էր սպառազինությունների մրցավազքի և տարածաշրջանում վտանգավոր միտումներ ստեղծելու մեջ: Չինաստանի կառավարությունն այսօր արձագանքել է այս մեղադրանքներին: «Ճապոնիայի կողմից հրատարակված պաշտպանական հարցերով նոր Սպիտակ գրքում բացասական գնահատականներ են տրված Չինաստանի ռազմական շինարարությանը, իսկ չինական կողմն այս գնահատականների համար հայտնում է իր բացասական վերաբերմունքը»,- ասված է ՉԺՀ ԱԳՆ ներկայացուցիչ Մա Չժաօսյույի հայտարարության մեջ: Այս մասին հաղորդում է BBC-ն:
Սպիտակ գրքում մասնավորապես մտավախություն կա չինական ռազմական ուժերի «ապագա ոչ ճիշտ» զարգացման մասին: Տոկիոյի գնահատականներով՝ Չինաստանն ավելացնում է իր ռազմական հզորությունները հեռավոր շրջաններում և կոպիտ քաղաքականություն է վարում հարևան երկրների հետ հակամարտություններում:
ՉԺՀ և Ճապոնիայի միջև գոյություն ունեն տարածքային խնդիրներ Թայվանից հյուսիս-արևելք գտնվող անմարդաբնակ Սենկակու կղզիների համար:
