Օգոստոսի 4-ին ժամը 01:11-ին ահազանգ է ստացվել, որ Երևան քաղաքի Կոմիտասի պողոտայի և Փափազյան փողոցի խաչմերուկում տեղի է ունեցել ճանապարհատրանսպորտային պատահար և ավտոմեքենայից առկա է վառելիքի արտահոսք:
Դեպքի վայր է մեկնել մեկ մարտական հաշվարկ:
Դեպքի վայրում պարզվել է, որ դեռևս չպարզված հանգամանքներում բախվել են «Զանդու» մակնիշի 4191 Տ պետհամարանիշով թիվ 36 երթուղային ավտոբուսը (վարորդ Արսեն Մելքոնյան) և «Պորշե Կայեն» մակնիշի 55ՕՏ515 պետհամարանիշով ավտոմեքենան, որի հետևանքով «Պորշե Կայեն» մակնիշի ավտոմեքենայի վարորդ 1993 թ. ծնված Մարտիկ Ավետիսյանը և ավտոբուսի ուղևորներ 1959 թ. ծնված Նելյա Արշակյանը, 1977 թ. ծնված Լիլիանա Խաչատրյանը, 1979 թ. ծնված Աննա Մկրտչյանը և 1987 թ. ծնված Վահան Կարապետյանը ստացել են տարբեր աստիճանի մարմնական վնասվածքներ և մինչ հրշեջ-փրկարարների ժամանելը տեղափոխվել Երևան քաղաքի «Արմենիա» բժշկական կենտրոն:
Հրշեջ-փրկարարների կողմից իրականացվել են ճանապարհից վառելիքի հեռացման աշխատանքներ:
Բժիշկների կողմից տուժածների առողջական վիճակը գնահատվել է բավարար:
