Վերջին ամիսներին հայկական շախմատի առաջատար Լևոն Արոնյանն աչքի է ըկնում կայուն և արդյունավետ ելույթներով։ Օրեր առաջ ավարտված «Airthings Masters» խոշոր մրցաշարում մեր գրոսմայստերը զբաղեցրել էր երկրորդ հորիզոնականը եզրափակչում ցավալիորեն զիջելով ադրբեջանցի Թեմյուր Ռաջաբովին։ Մինչ այդ սակայն, քառորդ եզրափակիչում Արոնյանը պարտության էր մատնել ամերիկացի Հիկարու Նակամուրային (2․5:1․5, 2:0), իսկ կիսաեզրափակիչում՝ ֆրանսիացի Մաքսիմ Վաշյե-Լագրավին՝ 3:1, 2:1:«Play Magnus Group»-ի կազմակերպած այս մրցաշարը մեկնարկել էր դեկտեմբերի 26-ին: Ի դեպ, մրցաշարի մրցանակային ֆոնդը 200 հազար դոլար էր, հաղթողը ստացավ 60 000 դոլար: Եթե փորձենք մեկ բառով բնութագրել Արոնյանի ելույթն այս մրցաշարում, ապա այն պետք է որակենք գերազանց։
ՖԻԴԵ-ի դասակարգման աղյուսակում Արոնյանն այս պահին 6-րդն է և ունի 2781 անհատական գործակից։ Վստահաբար կարող ենք ասել, որ նույն ոգով ելույթները շարունակելու դեպքում մեր շախմատիստը կարող է հայնվել աշխարհի լավագույն շախմատիստների եռյակում։ Մասնավորապես 5-րդ հորիզոնականում գտնվող Վաշյե-Լագրավի անհատական գործակիցը՝ 2784 է, իսկ 4-րդ հորիզոնականում գտնվող Ռուսաստանը ներկայացնող Յան Նեպոմյաչիի գործաիկցը՝ 2789։ Լավագույն եռյաը եզրափակող չինացի Դին Լիրեինի գործակիցը 2791 է։
Այսինքն 6-րդ հորիզոնականում գտնվող Արոնյանը 3-րդ տեղում գտնվող չինացի գրոսմայստերին գործակցի հաշվարկում զիջում է ընդամենը 10 միավորով։ Միջազգային մրցաշարերում մեկ երկու բարձր արդյունք գրանցելու պարագայում Արոնյանը կարող է ետևում թողնելով վերը նշված գրոսմայստերներին։
Անդրադառնանք նաև դասակարգման աղյուսակի առաջատարներին։ Առաջին հորիզոնականում շարունակում է մնալ աշխարհի չեմպիոն նորվեգացի Մագնուս Կառլսենը։ Վերջինիս անհատական գործակիցը 2862 է։ Երկրորդ տեղում գտնվող աշխարհի փոխչեմպիոն Ֆաբիանո Կարուանայի գործակիցն էլ 2823 է։ Այս պահին Արոնյանի՝ Կարուանայի և Կառլսենին շրջանցելը ոչ իրատեսական և անհավանական է թվում։ Այս տարի Արոնյանի գործակցի 2800-ի շեմը հատելը կարելի կլինի որակել լուրջ հաջողություն։
