Ռուսաստանի նախագահ Վլադիմիր Պուտինը Սիրիայի վերաբերյալ որոշումներ կայացնելիս առաջնորդվում է ոչ թե համակրանքով ու հակակրանքով, այլ երկրի շահերով: Այս մասին նա խոսեց Եվգենի Պոդդուբնիի «Առանց սխալելու իրավունքի. Սուրբ Ծննդյան այց Դամասկոս» ֆիլմում: Զրույցի մի հատված հրապարակվել է «Ռոսիա 1» կայքում:
«Նման որոշումներ կայացնելիս ես առաջնորդվում եմ առաջին հերթին ոչ թե իմ համակրանքով կամ հակակրանքով, այլ Ռուսաստանի պետության շահերով», – ասել է ՌԴ ղեկավարը:
2020-ի մայիսին ԱՄՆ-ն հայտարարեց, որ Պուտինը, ըստ երևույթին, հոգնել է Սիրիայում ավելի ու ավելի երկարաձգվող քաղաքացիական պատերազմին երկրի մասնակցությունից: Ինչպես նշում է Newsweek-ը, Սիրիան շարունակում է մնալ Մերձավոր Արևելքում Մոսկվայի գլխավոր դաշնակիցը, բայց երկրի ներկայիս նախագահ Բաշար ալ-Ասադը ավելի ու ավելի է փորձարկում Կրեմլի համբերությունը:
