«Անցյալից դասեր չենք քաղել, որովհետև երևի դարձյալ ճշմարտությունը մինչև վերջ չի բացահայտվել: Ես նայում եմ մեր վիճակին ու հասկանում, թե ինչու է մեր վիճակը 21 դար այսպես եղել. որովհետև մենք միշտ նույնն ենք եղել, մեր մեջ դիմադրող ուժերը միշտ ազդող են եղել բնականոն գործելու նկատմամբ»,- «Առաջին լրատվական»-ի հետ զրույցում ասաց փաստաբան Սեդա Սաֆարյանը:
Նա ընդգծեց՝ եթե պատերազմն էլ մեզ չմիավորեց, ուրեմն հավատացեք, որ մեզ ոչ մի բան չի միավորելու. «Էրդողանի նման ուժը հարձակվել էր մեզ վրա, բայց մենք տեսանք, որ Արցախում բացարձակ տարբեր վիճակ է եղել, տարբեր խմբեր ու խմբավորումներ են եղել: Եվ ես կարծում եմ, որ նրանք բոլորը ազդող են եղել նաև արդարադատության իրականացման վրա: Իսկ արդարադատության բացակայությունը բացասական հետևանք է ապահովելու ամեն տեղ»:
Փաստաբանի խոսքով՝ դատաիրավական բարեփոխումները անհրաժեշտություն են, և 2021-ը պետք է մաքրման տարի լինի. «Եթե այդ բարեփոխումները տեղի չունենան, ապա 2021-ի ձախողումները մեծապես կազդեն պետության վրա: Մենք կտեսնենք մեր պետության մեջ իրավունքի ցածր զարգացվածության մակարդակ»:
Մանրամասն՝ տեսանյութում: